പാനൂർ:പാനൂർ കല്ലുവളപ്പിൽ ആറ് ബോംബുകൾ കണ്ടെടുത്തു.കല്ലുവളപ്പ് മോഹനഗിരി എസ്റ്റേറ്റിന് സമീപത്തെ സ്വകാര്യ വ്യക്തിയുടെ കശുമാവിൻ തോട്ടം വൃത്തിയാക്കുന്നതിനിടെയാണ് ബോംബുകൾ കണ്ടെടുത്തത്.തോട്ടത്തിൽ പ്ലാസ്റ്റിക് ബക്കറ്റിൽ സൂക്ഷിച്ച നിലയിലായിരുന്നു ബോംബുകൾ.ഇതിൽ മൂന്നെണ്ണം സ്റ്റീൽ ബോംബുകളും മൂന്നെണ്ണം കുപ്പി ബോംബുകളുമാണ്.തൊഴിലാളികൾ വിവരമറിയിച്ചതിനെ തുടർന്ന് സ്ഥലത്തെത്തിയ കൊളവല്ലൂർ എസ്‌ഐ എം.വി ബിജുവിന്റെ നേതൃത്വത്തിലുള്ള സംഘം ബോംബ് കസ്റ്റഡിയിലെടുത്തു.പിന്നീട് ബോംബ് സ്‌ക്വാഡ് എത്തി ബോംബ് നിർവീര്യമാക്കി.