കൊച്ചി:കനകമല എൻഐഎ കേസിലെ പ്രതികളുമായി ഹാദിയ കേസിലെ ഷെഫിൻ ജഹാന് ബന്ധമുണ്ടെന്ന കണ്ടെത്തലിനെ തുടർന്ന് കേസിലെ പ്രതികളെ വീണ്ടും ചോദ്യംചെയ്യാനുറച്ച് എൻഐഎ.ഷെഫിൻ ജഹാന് തീവ്രവാദ ബന്ധമുണ്ടോ എന്നതടക്കമുള്ള കാര്യങ്ങൾ എൻഐഎ അന്വേഷിക്കും. ടി.മൻസീത്,ഷഫ്‌വാൻ എന്നിവരെയാണ് ചോദ്യം ചെയ്യുക.മൻസീത് തുടങ്ങിയ വാട്ട്സ് ആപ്പ് ഗ്രൂപ്പുകളിൽ ഷെഫിൻ ജഹാൻ അംഗമായിരുന്നു.രാജ്യാന്തര ഭീകര സംഘടനയുമായി ബന്ധപ്പെട്ടവർ കണ്ണൂർ കനകമലയിൽ രഹസ്യ യോഗം കൂടിയ കേസിൽ കോഴിക്കോട് സ്വദേശി മൻസീത്,ചേലക്കര സ്വദേശി ടി.സ്വാലിഹ്,കോയമ്പത്തൂർ സ്വദേശി അബ് ബഷീർ,റംഷാദ്,എൻ.കെ ജാസിം,കോഴിക്കോട് സ്വദേശി സജീർ,തിരുനെൽവേലി സ്വദേശി സുബഹാനി ഹാജ മൊയ്‌ദീൻ എന്നിവർക്കെതിരെ ദേശീയ അന്വേഷണ ഏജൻസി കുറ്റപത്രങ്ങൾ സമർപ്പിച്ചിരുന്നു.കനകമലയിൽ ഒത്തുകൂടിയ സംഘത്തെ രഹസ്യ വിവരത്തെ തുടർന്ന് 2016 ഒക്ടോബറിലാണ് എൻഐഎ പിടികൂടിയത്.