ന്യൂഡൽഹി:കോൺഗ്രസ് ദേശീയ നേതാവും മുൻ കേന്ദ്രമന്ത്രിയുമായ എ.കെ ആന്റണിയുടെ ഡ്രൈവറെ മരിച്ച നിലയിൽ കണ്ടെത്തി.ഉത്തർപ്രദേശ് സ്വദേശി സഞ്ജയ് സിങ്(35) മരിച്ചത്.ദില്ലി കൃഷ്ണമേനോൻ മാർഗിലെ ആന്റണിയുടെ ഔദ്യോഗിക വസതിക്ക് സമീപമുള്ള ജീവനക്കാർക്കായുള്ള ക്വാർട്ടേഴ്സിലാണ് ഇയാളെ തൂങ്ങി മരിച്ച നിലയിൽ കണ്ടെത്തിയത്. ആത്മഹത്യയാണെന്നാണ് പ്രാഥമിക നിഗമനം.ഇന്ന് രാവിലെയാണ് ഇയാളെ മരിച്ചനിലയിൽ കണ്ടെത്തിയതായി ആന്റണിയുടെ വീട്ടിൽ നിന്നും പോലീസിനെ അറിയിച്ചത്.തുടർന്ന് ദില്ലി പോലീസ് സ്ഥലത്തെത്തി മേൽനടപടികൾ സ്വീകരിച്ചു.മൃതദേഹം പോസ്റ്റ്‌മോർട്ടത്തിനായി അയച്ചിരിക്കുകയാണ്.കഴിഞ്ഞ രണ്ടു വർഷമായി ആന്റണിയുടെ ദില്ലിയിലെ ഡ്രൈവറാണ് സഞ്ജയ് സിംഗ്.