ഇരിട്ടി:ഇരിട്ടിയിലും മാക്കൂട്ടത്തും നടന്ന വാഹനാപകടങ്ങളിൽ 18 പേർക്ക് പരിക്ക്.ഇന്നലെ പുലർച്ചെ കണ്ണൂരിൽ നിന്നും പത്രവുമായി ഉളിക്കൽ ഭാഗത്തേക്ക് പോവുകയായിരുന്ന ഓട്ടോ തന്തോട് മുക്കട്ടിയിൽ വാനുമായി കൂട്ടിയിടിച്ചാണ് ഒരപകടമുണ്ടായത്.ഇതിൽ രണ്ടുപേർക്ക് പരിക്കേറ്റു.പരിക്കേറ്റ ഓട്ടോ ഡ്രൈവർ പുതിയതെരു സ്വദേശി ഷാജഹാൻ,വാൻ ഡ്രൈവർ വെളിമാനം സ്വദേശി സുഗുണൻ എന്നിവരെ ഓടിക്കൂടിയ നാട്ടുകാരും അഗ്നിശമന സേനയും ചേർന്ന് ഇരിട്ടി അമല ഹോസ്പിറ്റലിൽ പ്രവേശിപ്പിച്ചു.അയ്യപ്പന്മാർ സഞ്ചരിച്ച ട്രാവലർ മാക്കൂട്ടം ചുരത്തിൽ കുട്ടപ്പലം വളവിൽ വെച്ച് നിയന്ത്രണം വിട്ട് മറിഞ്ഞാണ് രണ്ടാമത്തെ അപകടം നടന്നത്.ഇരിട്ടിയിൽ നിന്നെത്തിയ അഗ്നിശമന സേനയും പോലീസും ചേർന്ന് പരിക്കേറ്റ ആറുപേരെ ആദ്യം അമല ആശുപത്രിയിലും പിന്നീട് കണ്ണൂരിലേക്കും മാറ്റി.