തിരുവനന്തപുരം:ഓഖി ദുരന്തം വിലയിരുത്താൻ കേന്ദ്ര സംഘം കേരളത്തിലെത്തി.കേന്ദ്ര ആഭ്യന്തര അഡീഷണൽ സെക്രെട്ടറി ബിപിൻ മാലിക്കിന്റെ നേതൃത്വത്തിലുള്ള സംഘമാണ് കേരളത്തിലെത്തിയത്.മൂന്നു സംഘങ്ങളായി തിരിഞ്ഞായിരിക്കും ഇവർ സന്ദർശനം നടത്തുക.നാല് ദിവസം സംഘം ദുരിതബാധിത പ്രദേശം സന്ദർശിക്കും.തിരുവനന്തപുരം,കൊല്ലം, ആലപ്പുഴ,എറണാകുളം,തൃശൂർ,മലപ്പുറം എന്നീ ജില്ലകളിലെ ദുരിതബാധിത പ്രദേശങ്ങളാണ് സംഘം സന്ദർശിക്കുക.മുഖ്യമന്ത്രിയുമായും റെവന്യൂ മന്ത്രി അടക്കമുള്ളവരുമായും സംഘം കൂടിക്കാഴ്ച നടത്തും.നാശനഷ്ടം സംഭവിച്ച വീടുകൾ, റോഡുകൾ,ബോട്ടുകൾ എന്നിവയെല്ലാം സംഘം നേരിട്ട് കണ്ട വിലയിരുത്തി റിപ്പോർട്ട് തയ്യാറാക്കും.