തിരുവനന്തപുരം:വ്യാജരേഖയുണ്ടാക്കി നികുതിവെട്ടിപ്പ് നടത്തി ആഡംബര കാർ രജിസ്റ്റർ ചെയ്ത കേസിൽ നടൻ ഫഹദ് ഫാസിലിനെ അറസ്റ്റ് രേഖപ്പെടുത്തിയ ശേഷം വിട്ടയച്ചു.കേസിൽ ഫഹദ് നേരത്തെ മുൻ‌കൂർ ജാമ്യം നേടിയിരുന്നതിനാലാണ് കോടതിയിൽ ഹാജരാക്കാതെ വിട്ടയച്ചത്.രാവിലെ പോലീസ് ആസ്ഥാനത്തു വിളിച്ചു വരുത്തി രണ്ടര മണിക്കൂർ ചോദ്യം ചെയ്യലിന് ശേഷമാണ് അറസ്റ്റ് രേഖപ്പെടുത്തിയത്.ചോദ്യം ചെയ്യലിൽ ഫഹദ് കുറ്റം സമ്മതിച്ചു. തന്റെ ജീവനക്കാരനാണ് രെജിസ്ട്രേഷൻ നടത്തിയതെന്നും എത്ര പിഴ അടക്കാനും തയ്യാറാണെന്നും ഫഹദ് പറഞ്ഞു.നേരത്തെ 17 ലക്ഷം രൂപ ഫഹദ് പിഴയടച്ചിരുന്നു.പക്ഷെ മറ്റൊരു കാർ കൂടി ഫഹദ് ഇത്തരത്തിൽ രെജിസ്റ്റർ ചെയ്തതായി കണ്ടെത്തിയിട്ടുണ്ട്.ഈ കേസിൽ അന്വേഷണം തുടരുകയാണ്.