കോഴിക്കോട്:ഓഖി ചുഴലിക്കാറ്റിൽപെട്ട് കാണാതായ അഞ്ച് മൽസ്യത്തൊഴിലാളികളുടെ മൃതദേഹങ്ങൾ കൂടി കണ്ടെത്തി.ബേപ്പൂർ തീരത്തു നിന്നും 3 മൃതദേഹങ്ങളും പൊന്നാനി തീരത്തു നിന്നും 2 മൃതദേഹങ്ങളുമാണ് കണ്ടെത്തിയത്.മറൈൻ എൻഫോഴ്സ്മെന്റും കോസ്റ്റ് ഗാർഡും പോലീസും നടത്തിയ തിരച്ചിലിലാണ് മൃതദേഹങ്ങൾ കണ്ടെത്തിയത്.ഇന്നലെ ഒൻപതു മത്സ്യത്തൊഴിലാളികളുടെ മൃതദേഹങ്ങൾ കണ്ടെടുത്തിരുന്നു.ബേപ്പൂരിൽ നിന്നും മത്സ്യബന്ധനത്തിന് പോയ മൽസ്യത്തൊഴിലാളികൾ നൽകിയ വിവരത്തെ തുടർന്ന് നടത്തിയ തിരച്ചിലിലാണ് മൃതദേഹങ്ങൾ കണ്ടെടുത്തത്.ഉൾക്കടലിൽ നിന്നും കണ്ടെത്തിയ മൃതദേഹങ്ങളെല്ലാം തിരിച്ചറിയാൻ കഴിയാത്ത വിധം അഴുകിയ നിലയിലാണ്.ബേപ്പൂർ തുറമുഖത്തിനടുത്തു നിന്നും കൂടുതൽ മൃതദേഹങ്ങൾ കണ്ടെടുത്ത സാഹചര്യത്തിൽ ഈ മേഖലയിൽ തിരച്ചിൽ തുടരുകയാണ്.