മാഹി:ഏതാനും ദിവസങ്ങളായി സംഘർഷാവസ്ഥ നിലനിൽക്കുന്ന ചാലക്കരയിൽ അക്രമം തുടരുന്നു.ഇന്നലെ അർധരാത്രിയോടെ യൂത്ത് കോൺഗ്രസ് ഓഫീസിനു നേരെ ബോംബേറുണ്ടായി. ബോംബേറിൽ കെട്ടിടത്തിന് കേടുപാടുകൾ സംഭവിച്ചു.ആക്രമണത്തിൽ പ്രതിഷേധിച്ച് ചാലക്കരയിൽ ഇന്ന് ഹർത്താലിന് കോൺഗ്രസ് ആഹ്വാനം ചെയ്തു.രാവിലെ ആറു മണിമുതൽ വൈകുന്നേരം ആറുമണി വരെ ചാലക്കര ഫ്രഞ്ച് പെട്ടിപ്പാലം മുതൽ കുഞ്ഞിപ്പുരമുക്ക് വരെയുള്ള പ്രദേശങ്ങളിലാണ് ഹർത്താൽ.അക്രമത്തിനു പിന്നിൽ സിപിഎം ആണെന്ന് കോൺഗ്രസ് നേതൃത്വം ആരോപിച്ചു.