തൊടുപുഴ:നാടക-ചലച്ചിത്ര നടി തൊടുപുഴ വാസന്തി അന്തരിച്ചു.അർബുദ ബാധയെ തുടർന്ന് ദീർഘനാളായി ചികിത്സയിലായിരുന്നു.450 ഓളം മലയാള ചിത്രങ്ങളിൽ അഭിനയിച്ചിട്ടുണ്ട്.നാടക നടനായ അച്ഛൻ രാമകൃഷ്ണൻ നായരുടെ ബാലെ ട്രൂപ്പിലൂടെ ആയിരുന്നു അഭിനയ ലോകത്തേക്കുള്ള അരങ്ങേറ്റം.കെ.ജി ജോർജിന്റെ യവനികയാണ് നടി എന്ന നിലയിൽ വാസന്തിയെ ശ്രദ്ധേയയാക്കിയത്.വാസന്തിയുടെ അവസാന നാളുകൾ ഏറെ ദുരിതം നിറഞ്ഞതായിരുന്നു. അർബുദവും പ്രമേഹവും വേട്ടയാടിയതിനൊപ്പം ഹൃദയ സംബന്ധമായ അസുഖവും ഇവരെ തളർത്തി.പ്രമേഹം മൂർച്ഛിച്ചതോടെ വലതുകാൽ മുറിച്ചുമാറ്റേണ്ടതെയും വന്നു.മാതാപിതാക്കൾക്ക് പുറകെ ഭർത്താവും മരണപ്പെട്ടതോടെ ജീവിതത്തിൽ ഇവർ ഒറ്റപെട്ടു.മക്കളില്ലാത്ത ഇവർ മണക്കാടുള്ള വീട്ടിൽ സഹോദരങ്ങൾക്കൊപ്പമായിരുന്നു താമസം.മമ്മൂട്ടി,സിദ്ധിക്ക്,തുടങ്ങിയ ചലച്ചിത്രരംഗത്തെ പ്രമുഖർ ഇവർക്ക് ആദരാഞ്ജലികളർപ്പിച്ചു.