കാസർകോഡ്:മംഗളൂരുവിൽ നിന്നും കാസർകോട്ടേക്ക് കടത്തുകയായിരുന്ന 10,000 കിലോ റേഷനരി പിടികൂടി.മംഗളൂരു ബി സി റോഡിൽ വെച്ചാണ് രണ്ട് ലോറികളിലായി കടത്തുകയായിരുന്ന റേഷനരി പോലീസ് പിടികൂടിയത്.പൊതുവിതരണ സംവിധാനം വഴി ദക്ഷിണ കർണാടകയിലെ വിവിധ ഭാഗങ്ങളിൽ വിതരണം ചെയ്യേണ്ട അരിയാണ് കാസർകോട്ടെ കരിഞ്ചന്തയിലേക്ക് കടത്താനുള്ള ശ്രമമുണ്ടായത്. 2.60 ലക്ഷം രൂപ വിലവരുന്ന 200 ചാക്ക് അരിയാണ് വാഹനപരിശോധനയ്ക്കിടെ മംഗളൂരു പോലീസ് കസ്റ്റഡിയിലെടുത്തത്.ലോറികൾ നിർത്തിയ ശേഷം ഡ്രൈവർമാർ ഓടി രക്ഷപ്പെടുകയായിരുന്നു.