പയ്യന്നൂർ:കണ്ണൂർ റെവന്യൂ ജില്ലാ സ്കൂൾ കലോത്സവത്തിന് നാളെ പയ്യന്നൂരിൽ തുടക്കമാകും. കലോത്സവത്തിന്റെ എല്ലാ ഒരുക്കങ്ങളും പൂർത്തിയായതായി സംഘാടക സമിതി അറിയിച്ചു.ഡിസംബർ ഒന്ന് വരെയാണ് കലോത്സവം നടക്കുക.14 വേദികളിലായാണ് മത്സരം നടക്കുക.27 ന് രാവിലെ എട്ടുമണിക്ക് പ്രധന വേദിയായ പയ്യന്നൂർ ബോയ്സ് ഹൈസ്കൂളിൽ രെജിസ്ട്രേഷൻ ആരംഭിക്കും.റോളിങ്ങ് ട്രോഫി കൈവശമുള്ളവർ രെജിസ്ട്രേഷന് മുൻപായി ട്രോഫികൾ കമ്മിറ്റിക്ക് കൈമാറണം.ഒമ്പതുമണിക്ക് വിദ്യാഭ്യാസ ഉപഡയറക്റ്റർ യു.കരുണാകരൻ പ്രധാന വേദിയിൽ പതാക ഉയർത്തുന്നതോടെ മത്സരങ്ങൾക്ക് തുടക്കമാകും. പത്തുമണിക്ക് മന്ത്രി രാമചന്ദ്രൻ കടന്നപ്പള്ളി കലോത്സവം ഉൽഘാടനം ചെയ്യും.ആദ്യദിവസം സ്റ്റേജിനമത്സരങ്ങളായ പൂരക്കളി,ബാൻഡ് മേളം,നാടകം(അറബിക്) എന്നിവയാണ് അരങ്ങേറുക.