പേരാവൂർ:സർക്കാർ ആശുപത്രിയിൽ ബഹളമുണ്ടാക്കുകയും ജീവനക്കാരെ ആക്രമിക്കുകയും ചെയ്ത കേസിൽ കസ്റ്റഡിയിലെടുത്തയാൾ എസ്ഐയെയും പോലീസുകാരെയും ആക്രമിച്ചു പരിക്കേൽപ്പിച്ചു.ഇന്നലെ വൈകുന്നേരം പേരാവൂർ പോലീസ് സ്റ്റേഷനിലാണ് സംഭവം.പഴയമഠം ബേബി,ജോഷി എന്നിവർക്കെതിരേ ആണ് എസ്‌ഐയെ ആക്രമിച്ചതിന് കേസെടുത്തത്.പേരാവൂർ ആശുപത്രിയിൽ ബഹളമുണ്ടാക്കിയതിനെ തുടർന്നായിരുന്നു എസ്ഐ സ്മിതേഷിന്‍റെ നേതൃത്വത്തിലുള്ള പോലീസ് സംഘം ഇരുവരെയും ആശുപത്രിയിൽ നിന്നും കസ്റ്റഡിയിലെടുത്ത് സ്റ്റേഷനിലെത്തിച്ചത്.ആശുപത്രിയിൽ തങ്ങളല്ല മറ്റൊരാളാണ് ബഹളം വച്ചതെന്നും പോലീസ് തങ്ങളെ മർദിച്ചെന്നും പറഞ്ഞ് ഇരുവരും സ്റ്റേഷനിൽ എത്തിയ ഉടൻ എസ്ഐക്കു നേരെ തിരിയുകയായിരുന്നു.