ഇരിട്ടി:മീത്തിലെപുന്നാട് സിപിഎം പ്രതിഷേധ പ്രകടനത്തിന് നേരെ ബോംബെറിയുകയും ബ്രാഞ്ച് സെക്രെട്ടറി കെ.രജീഷിനെ മർദിക്കുകയും ചെയ്ത സംഭവത്തിൽ ആര്എസ്എസ് പ്രവര്‍ത്തകര്‍ക്കെതിരേയും അനുമതിയില്ലാതെ പ്രകടനം നടത്തിയതിന് സിപിഎം പ്രവര്‍ത്തകര്‍ക്കെതിരേയും പോലീസ് കേസെടുത്തു. നാല് ആര്എസ്എസ്-ബിജെപി പ്രവര്‍ത്തകരെ പോലീസ് കസ്റ്റഡിയിലെടുത്തിട്ടുണ്ട്. അക്രമത്തിൽ പ്രതിഷേധിച്ച് ഇന്നലെ ഈ മേഖലയിൽ സിപിഎം ആഹ്വാനം നൽകിയ ഹർത്താൽ പൂർണ്ണമായിരുന്നു.കടകൾ അടഞ്ഞു കിടന്നിരുന്നെങ്കിലും വാഹന ഗതാഗതത്തിനു തടസ്സമുണ്ടായില്ല.