കണ്ണൂർ:ഭീകര സംഘടനയായ ഐഎസ്സുമായുള്ള ബന്ധത്തിന്റെ പേരിൽ ഡൽഹിയിലെ ജയിലിൽ കഴിയുന്ന കാഞ്ഞിരോട് സ്വദേശി ഷാജഹാന്റെ വീട്ടിൽ പോലീസ് പരിശോധന നടത്തി.വെള്ളിയാഴ്ച ഉച്ചയോടെയായിരുന്നു പരിശോധന.ഷാജഹാന്റെ തലമുണ്ടയിലുള്ള ഭാര്യവീട്ടിലും പരിശോധന നടത്തി.കണ്ണൂർ ജില്ലയിലെ മുണ്ടേരി മേഖല കേന്ദ്രീകരിച്ച് ഐഎസ് റിക്രൂട്ട്മെന്റിന് നേതൃത്വം നൽകിയ ഷാജഹാനെ സിറിയയിലേക്ക് കടക്കാനുള്ള ശ്രമത്തിനിടെ തുർക്കി പോലീസ് ഇന്ത്യയിലേക്ക് തിരിച്ചയക്കുകയായിരുന്നു.നാട്ടിലെത്തിയ ശേഷം വീണ്ടും സിറിയയിലേക്ക് കടക്കാനുള്ള ശ്രമത്തിനിടെയാണ് ഇയാൾ ഡൽഹി പോലീസിന്റെ പിടിയിലായത്.ഇയാൾ റിക്രൂട്ട് ചെയ്ത അഞ്ചുപേർ കഴിഞ്ഞ ദിവസം കണ്ണൂരിൽ പോലീസ് പിടിയിലായിരുന്നു.ഇവരിൽ നിന്നും ലഭിച്ച വിവരത്തിന്റെ അടിസ്ഥാനത്തിലാണ് പോലീസ് ഷാജഹാന്റെ വീട്ടിൽ പരിശോധന നടത്തിയത്.റെയ്‌ഡിൽ ഒരാളുടെ പാസ്പോർട്ട് കോപ്പി പൊലീസിന് കിട്ടിയിട്ടുണ്ട്.