പാനൂർ:പുത്തൂരിൽ സിപിഎം പ്രവർത്തകന് വെട്ടേറ്റു.ഇന്നലെ രാത്രി പത്തുമണിയോടെ മടപ്പുര ബസ്‌സ്റ്റോപ്പിന് സമീപമാണ് അക്രമം നടന്നത്.കുണ്ടുംകരവയൽ തച്ചാറമ്പത്ത് റിയ മൻസിലിൽ അശ്രഫിനാണ് വെട്ടേറ്റത്.അക്രമത്തിൽ രണ്ടു കാലുകൾക്കും ഇടതു കൈക്കും വയറിനും പരിക്കേറ്റ അഷ്‌റഫിനെ പാനൂർ പോലീസ് എത്തിയാണ് തലശ്ശേരി സഹകരണ ആശുപത്രിയിൽ പ്രവേശിപ്പിച്ചത്.ഇയാളെ അടിയന്തിര ശസ്ത്രക്രിയയ്ക്ക് വിധേയനാക്കി.അക്രമം നടന്ന സ്ഥലത്ത് രണ്ടു തവണ ബോംബ് സ്ഫോടനവുമുണ്ടായി.അക്രമത്തിനു പിന്നിൽ ആർഎസ്എസ് പ്രവർത്തകരാണെന്ന് സിപിഎം നേതൃത്വം ആരോപിച്ചു.