ഇരിട്ടി:ഉളിക്കൽ നുച്യാട് ഓട്ടോ മറിഞ്ഞ് യുവാവ് മരിച്ചു. മണിക്കടവ് ശാന്തിനഗറിലെ വാഴയിൽ ജയ്സണ്‍ ലൂക്കോസ് (36) ആണ് മരിച്ചത്. മുണ്ടാനൂർ റോഡിൽ പാലംകൈയിൽ ഇന്നലെ വൈകുന്നേരം അഞ്ചുമണിക്കാണ് അപകടം നടന്നത്.ചെങ്കൽപ്പണയിൽ ജോലിചെയ്യുന്ന ജയ്സണ്‍ ജോലി കഴിഞ്ഞ് തിരികെ വരുമ്പോൾ ഓട്ടോറിക്ഷ നിയന്ത്രണം വിട്ട് മറിയുകയായിരുന്നു.ജയ്സണ്‍ തന്നെയായിരുന്നു ഓട്ടോ ഓടിച്ചത്.നാട്ടുകാർ ഇരിട്ടിയിലെ സ്വകാര്യ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.ശാന്തിനഗറിലെ അപ്പച്ചൻ-മേരി ദമ്പതികളുടെ മകനാണ്. ഭാര്യ:അനില. മക്കൾ: അഡ്വിൻ, അയിഡ മറിയ.