പാപ്പിനിശ്ശേരി:കഞ്ചാവും കഞ്ചാവ് വലിക്കാൻ ഉപയോഗിക്കുന്ന ഹുക്കയുമായി രണ്ടു പേരെ പോലീസ് അറസ്റ്റ് ചെയ്തു.പാപ്പിനിശ്ശേരി റെയിൽവേ സ്റ്റേഷന് സമീപത്തെ പന്തളത്തു സലീഷ് (32),വേളാപുരം പുതിയാണ്ടി ഹൗസിൽ ഷാനവാസ്(21) എന്നിവരെയാണ് പാപ്പിനിശ്ശേരി വേളാപുരത്തിനടുത്തു വെച്ച് എക്‌സൈസ് റേഞ്ച് ഓഫീസർ എം.ദിലീപും സംഘവും ചേർന്ന് പിടികൂടിയത്.സലീഷിന്റെ കയ്യിൽ നിന്നും 12 ഗ്രാം കഞ്ചാവും ഷാനവാസിന്റെ കയ്യിൽ നിന്നും 10 ഗ്രാം കഞ്ചാവും അത് വലിക്കാൻ ഉപയോഗിക്കുന്ന ഹുക്കയുമാണ് പിടികൂടിയത്.പ്രതികളെ പിന്നീട് ജാമ്യത്തിൽ വിട്ടയച്ചു.