ന്യൂഡൽഹി:പഞ്ചാബ് നാഷണൽ ബാങ്കിന്റെ 300 ശാഖകൾ പൂട്ടാനൊരുങ്ങുന്നു.നഷ്ടത്തിൽ പ്രവർത്തിക്കുന്ന 200 മുതൽ 300 ശാഖകൾ വരെയാണ് പൂട്ടാനൊരുങ്ങുന്നത്.ഈ ശാഖകൾ മറ്റു ശാഖകളുമായി ലയിപ്പിക്കുകയോ മറ്റു സ്ഥലങ്ങളിലേക്ക് മാറ്റുകയോ ചെയ്യാനാണ് തീരുമാനം.ഒരു വർഷത്തിനുള്ളിൽ പദ്ധതി നടപ്പാക്കാനാണ് ഉദ്ദേശിക്കുന്നതെന്ന് പഞ്ചാബ് നാഷണൽ ബാങ്ക് ഡയറക്റ്ററും സിഇഒയുമായ സുനിൽ മേത്ത അറിയിച്ചു. നഷ്ടത്തിൽ പ്രവർത്തിക്കുന്ന ശാഖകൾ ലാഭത്തിലാക്കുകയാണ് ബാങ്കിന്റെ ലക്‌ഷ്യം.ഡിജിറ്റലൈസേഷന്റെ ഭാഗമായി ബാങ്കുകൾ ശാഖകൾ അടയ്ക്കുകയും ബിസിനസ് സെന്ററുകൾ കൂടുതൽ തുറക്കുകയുമാണ് ചെയ്യുന്നത്.