കണ്ണൂർ:പൊയിലൂരിലും മാമാക്കുന്നിലും സിപിഎം ഓഫീസുകൾക്ക് നേരെ ആക്രമണം.ഞായറാഴ്ച അർധരാത്രിക്ക് ശേഷമാണ് പൊയിലൂരിലെ കേളോത്ത് പവിത്രന്റെ സ്മാരക സ്തൂപം തകർത്തതും വീട്ടുമുറ്റത്ത് മലം കൊണ്ടിടുകയും ചെയ്തത്.മുഴപ്പിലങ്ങാട് ലോക്കലിലെ മാമാക്കുന്ന് സിപിഎം ബ്രാഞ്ച് ഓഫീസ് കെട്ടിടവും തകർത്തു.ഓഫീസിലെ ടി വി ഉൾപ്പെടെയുള്ള ഉപകരണങ്ങളും തകർത്തു.മേലൂരിലെ ബ്രാഞ്ച് ഓഫീസിനു നേരെ നടന്ന കല്ലേറിൽ ഓഫീസിന്റെ ജനൽ ചില്ലുകൾ തകർന്നു. കൂടാതെ പിണറായി വെണ്ടുട്ടായിയിലെ സംഘപരിവാർ ബന്ധം ഉപേക്ഷിച്ച പ്രജീഷിനെ മമ്പറം ഇന്ദിരാഗാന്ധി സ്കൂൾ ഗ്രൗണ്ടിൽ കൊണ്ടുപോയി മർദിച്ചതായും സിപിഎം ചൂണ്ടിക്കാട്ടി.ആക്രമണങ്ങൾക്ക് പിന്നിൽ ആർ എസ് എസ് ആണെന്ന് സിപിഎം ആരോപിച്ചു.