തലശ്ശേരി:എരുവട്ടി പൈനാങ്കിമെട്ടയിൽ ദമ്പതികൾ ആത്മഹത്യക്ക് ശ്രമിച്ചു.ഭാര്യ മരിച്ചു.ഭർത്താവിനെ ഗുരുതരാവസ്ഥയിൽ തലശ്ശേരി ഇന്ദിരാഗാന്ധി സഹകരണ ആശുപത്രിയിൽ പ്രവേശിപ്പിച്ചു.പെയിന്റിങ് തൊഴിലാളിയായ ജൂനാസിൽ അശോകൻ,ഭാര്യ ഷിജ എന്നിവരാണ് ആത്മഹത്യക്ക് ശ്രമിച്ചത്.ജീവിതം അവസാനിപ്പിക്കാൻ പോവുകയാണെന്ന് അശോകൻ തന്റെ സുഹൃത്തിനെ വിളിച്ചറിയിച്ചതിനു ശേഷമാണ് ഇരുവരും ആത്മഹത്യക്ക് ശ്രമിച്ചത്.സുഹൃത്ത് വിളിച്ചറിയിച്ചതനുസരിച്ച് നാട്ടുകാരെത്തി പരിശോധിച്ചപ്പോഴാണ് ഇരുവരെയും വീടിന്റെ രണ്ടു മുറികളിലായി തൂങ്ങിയ നിലയിൽ കണ്ടെത്തിയത്.ഉടൻ തന്നെ ആശുപത്രിയിൽ എത്തിച്ചെങ്കിലും ഷിജ മരണപ്പെടുകയായിരുന്നു.കണ്ണൂർ കോളേജ് ഓഫ് കോമേഴ്‌സ് ബിരുദ വിദ്യാർത്ഥിനി ജൂന ഏകമകളാണ്.ഷൈജയുടെ ശവസംസ്ക്കാരം ശനിയാഴ്ച ഉച്ചയ്ക്ക് രണ്ടുമണിക്ക് വലിയവെളിച്ചം പൊതുശ്മശാനത്തിൽ നടക്കും.