ആലക്കോട്:കർഷകന് കാട്ടുപന്നിയുടെ ആക്രമണത്തിൽ പരിക്ക്.ആലക്കോട് പാത്തൻപാറ കുട്ടിപ്പുല്ലിൽ ആണ് സംഭവം.രാവിലെ എട്ടരയോടെ വാഴത്തോട്ടത്തിലെത്തിയ കാട്ടുപന്നി ജോയിയെ ഇടിച്ചു വീഴ്ത്തുകയായിരുന്നു.ഇയാളുടെ മുഖത്തും കൈക്കും പരിക്കേറ്റിട്ടുണ്ട്. കുറച്ചകലെ തോട്ടത്തിൽ തന്നെ ഉണ്ടായിരുന്ന ജോയിയുടെ ഭാര്യ ഒച്ചവെച്ച് ആളെകൂട്ടിയപ്പോഴാണ് പന്നി ഓടിപ്പോയത്.സമീപത്തെ ജോസ് കുന്നുംപുറം,ജോസ് പുളിക്കൽ,കൃഷ്ണൻ കടമാംതയ്യിൽ എന്നിവരുടെ വാഴത്തോട്ടത്തിലും പന്നി നാശം വരുത്തിയിട്ടുണ്ട്.