ന്യൂഡൽഹി:ഡൽഹിയിൽ നിന്നും കാണാതായ മലയാളി ഉൾപ്പെടെ രണ്ടു വിദ്യാർത്ഥിനികളെ കണ്ടെത്തി.ഉത്തർപ്രദേശിലെ ധനാപൂരിൽ നിന്നാണ് അബോധാവസ്ഥയിൽ യു.പി സ്പെഷ്യൽ ടാസ്ക് ഫോഴ്സ് ഇവരെ കണ്ടെത്തിയത്.മലയാളിയായ അഞ്ജലി,സുഹൃത്ത് സ്തുതി എന്നിവരെയാണ് കാണാതായത്.പെൺകുട്ടികളെ കാണാതായതിനെ തുടർന്ന് ഇവരുടെ ചിത്രങ്ങളും വിവരങ്ങളും സമൂഹ മാധ്യമങ്ങളിൽ പ്രചരിപ്പിച്ചിരുന്നു.ഇതിനെ തുടർന്ന് ഡൽഹി-പട്ന റൂട്ടിൽ ധനാപൂർ സ്റ്റേഷനിൽ ഇരുവരും ഇറങ്ങിയ വിവരം പഴക്കച്ചവടക്കാർ യു.പി പോലീസിനെ അറിയിക്കുകയായിരുന്നു.തുടർന്ന് പോലീസ് നടത്തിയ തിരച്ചിലിൽ ധനാപൂർ ഗ്രാമത്തിൽ ഇരുവരെയും കണ്ടെത്തുകയായിരുന്നു.ഇതിൽ ഒരു പെൺകുട്ടി തൃശൂർ സ്വദേശിനിയാണ്. കൂടെയുള്ള പെൺകുട്ടി ബീഹാർ സ്വദേശിനിയാണ്.ലഹരി സംഘത്തിന് ഇവരുടെ തിരോധാനവുമായി ബന്ധമുണ്ടെന്ന് ബന്ധുക്കൾ ആരോപിച്ചു.