തളിപ്പറമ്പ്:സ്റ്റേറ്റ് ബാങ്ക് ഓഫ് ഇന്ത്യയുടെ തളിപ്പറമ്പ് ടൗണ്‍ ശാഖയില്‍ പുതിയ ആധാര്‍ എടുക്കാനും നിലവിലുള്ളതിന്‍റെ തെറ്റുതിരുത്താനും സ്ഥിരംസംവിധാനമായി ആധാര്‍ സേവനകേന്ദ്രം തുറന്നു.നഗരസഭാ കൗണ്‍സിലര്‍ കെ.വല്‍സരാജന്‍ ഉദ്ഘാടനം ചെയ്തു. ചീഫ് ബ്രാഞ്ച് മാനേജര്‍ വി.ഇ.ശശിധരന്‍ അധ്യക്ഷത വഹിച്ചു. ആധാറില്‍ വ്യാപകമായി തെറ്റുകള്‍ കടന്നുകൂടിയതു കാരണം ലിങ്കിംഗ് പ്രക്രിയയ്ക്കു തടസം ഉണ്ടാകുന്നതു പരിഹരിക്കാനാണു സ്ഥിരം സംവിധാനം ഏര്‍പ്പെടുത്തിയെതന്നു ബാങ്ക് അധികൃതര്‍ പറഞ്ഞു.തികച്ചും സൗജന്യമായ സേവനമാണ് എന്‍റോള്‍മെന്‍റിനു നല്‍കുന്നതെങ്കിലും തെറ്റുകള്‍ തിരുത്തുന്നതിനു 25 രൂപ ഈടാക്കും.രാവിലെ ഒന്‍പതു മുതല്‍ വൈകുന്നേരം അഞ്ചു വരെ ഈ സേവനം ലഭ്യമാണ്. ഫോണ്‍: 9947975555.