ചാല:ചാലക്കുന്നിൽ മയക്കുമരുന്ന് വിൽപ്പന നടത്തിയ രണ്ടുപേർ എക്‌സൈസിന്റെ പിടിയിലായി.ഈ പ്രദേശങ്ങളിൽ മയക്കു മരുന്ന് വിൽപ്പന നടക്കുന്നുണ്ടെന്ന രഹസ്യ വിവരത്തിന്റെ അടിസ്ഥാനത്തിൽ എക്‌സൈസ് സംഘം നടത്തിയ പരിശോധനയിലാണ് രണ്ടുപേർ പിടിയിലായത്.തിങ്കളാഴ്ച്ച രാത്രിയാണ് എക്‌സൈസ് സംഘം പരിശോധന നടത്തിയത്.25 ഗ്രാം മയക്കുമരുന്നുമായാണ് ഒരാൾ പിടിയിലായത്.എക്‌സൈസ് സംഘത്തെ കണ്ട ഒരു സംഘം കടന്നു കളഞ്ഞതായും സംശയിക്കുന്നു.മറ്റു ജില്ലയിലെ രെജിസ്ട്രേഷൻ ഉള്ള വാഹങ്ങളും ഇവിടെ ഉണ്ടായിരുന്നു.ഇതും ഉടനെ തന്നെ കടന്നു കളഞ്ഞു.രാത്രിയിൽ മയക്കുമരുന്നുമായി ഇവിടെയെത്തുന്ന സംഘം ആവശ്യക്കാർക്കും ഏജന്റുമാർക്കും ഇത് കൈമാറുന്നതായാണ് വിവരം ലഭിച്ചിരിക്കുന്നത്.നിരവധി വിദ്യാഭ്യാസ സ്ഥാപനങ്ങൾ സ്ഥിതി ചെയ്യുന്ന ഇവിടെ നടക്കുന്ന മയക്കുമരുന്ന് വിൽപ്പന രക്ഷിതാക്കളിൽ ആശങ്ക ഉളവാക്കിയിട്ടുണ്ട്.