കണ്ണൂർ:അക്ഷയ ഇ കേന്ദ്രങ്ങൾ എന്ന പേരിൽ അനധികൃത ഓൺലൈൻ കേന്ദ്രങ്ങൾ വർധിച്ചു വരുന്ന സാഹചര്യത്തിൽ അക്ഷയ കേന്ദ്രങ്ങളെ സംരക്ഷിക്കണമെന്നാവശ്യപ്പെട്ട് ജില്ലയിലെ അക്ഷയ കേന്ദ്രങ്ങൾ ഈ മാസം 26 ന് അടച്ചിടും.ഇ ഗവേണൻസ് സർവീസുകൾ അക്ഷയയിലൂടെ മാത്രം നടപ്പാക്കുക,അക്ഷയ സെന്ററുകൾക്ക് സബ്‌സെന്ററുകൾ അനുവദിക്കുക,വ്യാജ ജനസേവന കേന്ദ്രങ്ങൾക്കെതിരെ നടപടിയെടുക്കുക,ആധാർ ഫണ്ട് വിനിയോഗം വിജിലൻസ് അന്വേഷിക്കുക തുടങ്ങിയ ആവശ്യങ്ങളും ഇവർ ഉന്നയിക്കുന്നുണ്ട്.ഇതിന്റെ ഭാഗമായി 26 ന് ഐ.ടി മിഷൻ മാർച്ചും നടക്കും.