കൊച്ചി:പ്രശസ്ത സംവിധായകൻ ഐ.വി ശശിയുടെ ശവസംസ്‌കാരം ഇന്ന് വൈകുന്നേരം ആറു മണിക്ക് ചെന്നൈയിൽ നടക്കും.സാലിഗ്രാമം സ്റ്റേറ്റ് ബാങ്ക് കോളനി അബുസാലി സ്ട്രീറ്റിലെ വീട്ടിൽ പൊതുദർശനത്തിനു വെച്ച ശേഷം വൈകുന്നേരം ആറുമണിക്ക് പൊരൂർ വൈദ്യുതി ശ്മശാനത്തിൽ സംസ്‌കരിക്കും.അർബുദരോഗത്തെ തുടർന്ന് ചികിത്സയിലായിരുന്ന ഐ.വി ശശി ചൊവ്വാഴ്ച രാവിലെ ഹൃദയസ്തംഭനത്തെ തുടർന്നാണ് മരിച്ചത്.പ്രശസ്ത നടി സീമയാണ് ഭാര്യ. അനി,അനു എന്നിവർ മക്കളാണ്.മകളെ കാണാൻ ചൊവ്വാഴ്ച വൈകിട്ട് ഓസ്‌ട്രേലിയയിലേക്ക് പോകാനിരിക്കെയാണ് മരണം സംഭവിച്ചത്.