കണ്ണൂർ:ഓട്ടോ ലോറിയിലിടിച്ച് ഐഎൻടിയുസി നേതാവിന് പരിക്കേറ്റു.ഐഎൻടിയുസി ജില്ലാ ജനറൽ സെക്രട്ടറി പുഴാതിയിലെ പി.സൂര്യദാസിനാണ് പരിക്കേറ്റത്.ഓട്ടോ ഡ്രൈവർ ശശിധരനും പരിക്കേറ്റിട്ടുണ്ട്.ഇരുവരെയും കണ്ണൂർ എ കെ ജി ആശുപത്രിയിൽ പ്രവേശിപ്പിച്ചു.തലയ്ക്ക് ഗുരുതരമായി പരിക്കേറ്റ സൂര്യദാസിനെ തീവ്രപരിചരണ വിഭാഗത്തിൽ പ്രവേശിപ്പിച്ചു.തിങ്കളാഴ്ച രാത്രി താഴെചൊവ്വ-ചാല ബൈപാസ് റോഡിലാണ് അപകടം നടന്നത്.നിർത്തിയിട്ടിരുന്ന ലോറിക്ക് പിന്നിൽ ഓട്ടോ ഇടിക്കുകയായിരുന്നു.വീതികുറഞ്ഞ ഈ റോഡിൽ അപകടങ്ങൾ പതിവാണ്.വീതി കൂട്ടി ഡിവൈഡറുകൾ സ്ഥാപിച്ചാൽ മാത്രമേ അപകടങ്ങളൊഴിവാക്കാനാകൂ എന്ന് യാത്രക്കാർ പറയുന്നു.