കണ്ണൂർ:താഴെചൊവ്വ,നടാൽ റെയിൽവേ മേൽപ്പാലം പണി ഉടൻ ആരംഭിക്കാൻ തീരുമാനം. ഇതുമായി ബന്ധപ്പെട്ട് പി.കെ ശ്രീമതി വിളിച്ചു ചേർത്ത യോഗത്തിലാണ് തീരുമാനം.സാങ്കേതിക നടപടികൾ പൂർത്തിയാക്കി ഉടൻ പണി തുടങ്ങണമെന്ന് ശ്രീമതി എം.പി യോഗത്തിൽ അറിയിച്ചു. കേന്ദ്രസർക്കാരിന്റെ സേതുഭാരതം പദ്ധതിയിൽ ഉൾപ്പെടുത്തി അംഗീകരിച്ചവയാണ് ഈ രണ്ടു മേൽപ്പാലങ്ങളും.പാപ്പിനിശ്ശേരി അടിപ്പാത,താവം റെയിൽവേ മേൽപ്പാലം,തലശ്ശേരി-വളവുപാറ റോഡ്,എന്നിവയെക്കുറിച്ചും യോഗത്തിൽ ചർച്ച നടന്നു.പാപ്പിനിശ്ശേരി അടിപ്പാതയുടെ നിർമാണത്തിന് ആവശ്യമായ എൻ ഓ സിക്കുള്ള അപേക്ഷ റെയിൽവേക്ക് ഉടൻ നൽകും. പണിയുടെ മാറ്റത്തിനുള്ള അംഗീകാരം ലഭിക്കാത്തതാണ് താവം പാലം പണി പൂർത്തീകരിക്കാനുള്ള തടസ്സമെന്ന് കെ.എസ്.ടി.പി അധികൃതർ വിശദീകരിച്ചു.