കൊച്ചി:നടിയെ ആക്രമിച്ച കേസിൽ ദിലീപ് ഒന്നാംപ്രതി ആയേക്കുമെന്നു സൂചന.നിലവിൽ പൾസർ സുനി ഒന്നാം പ്രതിയും ദിലീപ് പതിനൊന്നാം പ്രതിയുമാണ്.ആക്രമിച്ച ആളും ആക്രമണത്തിന് നിർദേശം നൽകിയ ആളും തമ്മിൽ വ്യത്യാസമില്ലെന്നാണ് അന്വേഷണ സംഘത്തിന്റെ വിലയിരുത്തൽ.ദിലീപിന്റെ നേരിട്ടുള്ള മേൽനോട്ടത്തിലാണ് കുറ്റകൃത്യം നടത്തിയത്.കൃത്യം നടത്തിയവർക്ക് നടിയോട് വ്യക്തിവൈരാഗ്യം ഇല്ലെന്നും അന്വേഷണ സംഘം കണ്ടെത്തിയിട്ടുണ്ട്.ഈ അവസരത്തിൽ ഇതിനായി ഗൂഢാലോചന നടത്തിയ ദിലീപിനെ ഒന്നാം പ്രതിയാക്കാനാണ് അന്വേഷണ സംഘത്തിന്റെ നീക്കം.നാളെ എ ഡി ജി പി ബി.സന്ധ്യയുടെ നേതൃത്വത്തിൽ അന്വേഷണ സംഘത്തിന്റെ നിർണായക യോഗം ചേരാൻ തീരുമാനിച്ചിട്ടുണ്ട്.