ചക്കരക്കൽ:പ്രകൃതി വാതക പൈപ്പ്‌ലൈൻ സ്ഥാപിക്കുന്നതിനെതിരെ നാട്ടുകാരുടെ പ്രതിഷേധം ശക്തം.ഭൂഉടമകളുടെ അനുവാദമില്ലാതെയാണ് അവരുടെ സ്ഥലത്ത് പൈപ്പ്‌ലൈൻ സ്ഥാപിക്കുന്നത്.പൈപ്പ് ലൈൻ സ്ഥാപിക്കുന്ന സ്ഥലത്തിന്റെ സർവ്വേ നമ്പർ മുൻപ് വില്ലജ് ഓഫീസുകളിൽ പ്രസിദ്ധപ്പെടുത്തിയിരുന്നു. എന്നാൽ ഭൂരിപക്ഷ ഭൂവുടമകളും ഇതറിഞ്ഞിട്ടില്ല.വീടുകൾക്ക് സമീപത്തുകൂടിയാണ് ചിലയിടങ്ങളിൽ പൈപ്പ് ലൈൻ കടന്നുപോകുന്നത്.ഇത് അപകട സാധ്യത വർധിപ്പിക്കുന്നു തുടങ്ങിയ കാരണങ്ങൾ കാണിച്ചാണ് പ്രതിഷേധം.പുറവൂർ,കാഞ്ഞിരോട് ഭാഗങ്ങളിൽ കുറെ ദിവസങ്ങളായി പ്രതിഷേധം തുടരുകയാണ്. അതേസമയം കനത്ത പോലീസ് കാവലിൽ പറവൂരിൽ ചൊവ്വാഴ്ച വാതക പൈപ്പ് ലൈൻ പണി തുടങ്ങി.പണി തടയാനെത്തുന്ന സമരക്കാരെ നേരിടാൻ കണ്ണൂർ സി.ഐ രത്നാകരന്റെ നേതൃത്വത്തിൽ ചക്കരക്കൽ എസ്‌ഐ മാരായ ബിജു,കനകരാജൻ,അനിൽകുമാർ തുടങ്ങിയവരും 40 ഓളം പോലീസുകാരും സ്ഥലത്തുണ്ട്.നാട്ടുകാരുടെ ആശങ്കയകറ്റാൻ ഏതു സമയം വന്നാലും കൃത്യമായ വിവരങ്ങൾപറഞ്ഞുകൊടുക്കുമെന്ന് ഗെയിൽ മാനേജർ പി.ഡി അനിൽകുമാർ വ്യക്തമാക്കി.