തലശ്ശേരി:നഗരസഭയുടെ മാലിന്യം തള്ളിയിരുന്നു പുന്നോൽ പെട്ടിപ്പാലത്ത് പുനർജനി ആൾട്ടർനേറ്റീവ് എനർജി പാർക്ക് സ്ഥാപിക്കുന്നു.ഒൻപതു കോടി രൂപയാണ് ചിലവ് പ്രതീക്ഷിക്കുന്നത്.പെട്ടിപ്പാലം പ്രദേശം സൗന്ദര്യവൽക്കരണവും വൈദ്യുതി ഉൽപ്പാദനവുമാണ് ഇതിലൂടെ ലക്ഷ്യമിടുന്നത്.നഗരസഭയുടെ അധീനതയിലുള്ള 6.40 ഏക്കർ സ്ഥലത്താണ് പദ്ധതി വിഭാവനം ചെയ്യുന്നത്.സംസ്ഥാനത്തു നിരവധി പാർക്കുകൾ ഉണ്ടെങ്കിലും വൈദ്യുതി ഉൽപ്പാദനം ലക്ഷ്യമാക്കുന്ന സംരംഭം സംസ്ഥാനത്ത് ആദ്യമാണ്.വൈദ്യുത വകുപ്പ് മന്ത്രി എം.എം മണി സ്ഥലം സന്ദർശിച്ചു.പദ്ധതി റിപ്പോർട് അടുത്ത നഗരസഭാ കൗൺസിൽ യോഗത്തിൽ അവതരിപ്പിക്കും. കൗൺസിൽ അംഗീകാരം നൽകിയ ശേഷം സർക്കാർ അംഗീകാരത്തിനായി സമർപ്പിക്കും.