കാസർകോഡ്:മാൻകൊമ്പും സംരക്ഷിത ഇനത്തിൽപ്പെട്ട ആമകളെയും കടത്താൻ ശ്രമിച്ച നാലുപേരെ കാസർകോഡ് വനം വകുപ്പ് ഉദ്യോഗസ്ഥർ അറസ്റ്റ് ചെയ്തു.മൊഗ്രാലിലെ മുഹമ്മദ് അബ്ദുല്ല മൊയ്‌ദീൻ,മൊഗ്രാൽ പുത്തൂരിലെ വി.ഇമാം അലി,മായിപ്പാടിയിലെ കരീം,മൊഗ്രാൽ കൊപ്ര ബസാറിലെ ബി.എം ഖാസിം എന്നിവരാണ് പിടിയിലായത്.മൂന്നു മാൻ കൊമ്പുകളും 11 കരയാമകളെയും ഇവരിൽ നിന്നും പിടിച്ചെടുത്തു.ഇന്ന് ഉച്ചയോടെ കുമ്പളയ്ക്കടുത്ത് നിന്നാണ് രണ്ട് ആൾട്ടോ കാറുകളിൽ മാൻകൊമ്പുകളും ആമകളുമായി സഞ്ചരിച്ച പ്രതികളെ പിടികൂടിയത്.ഇവ മുംബൈയിലേക്ക് കടത്താനായിരുന്നു ഇവരുടെ തീരുമാനം.