തിരുവനന്തപുരം:ദീപാവലിക്ക് ശബ്ദമേറിയ പടക്കങ്ങൾ പൊട്ടിക്കുന്നതിന് സംസ്ഥാന മലിനീകരണ നിയന്ത്രണ ബോർഡ് കേരളത്തിൽ നിയന്ത്രണം ഏർപ്പെടുത്തി.ശബ്ദമുണ്ടാക്കുന്ന പടക്കങ്ങൾക്ക് പകരം പ്രകാശം പരത്തുന്നതും വർണാഭമായതുമായ പടക്കങ്ങൾ ഉപയോഗിക്കണമെന്ന് മലിനീകരണ നിയന്ത്രണ ബോർഡ് അറിയിച്ചു.125 ഡെസിബെലിൽ കൂടുതൽ ശബ്ദമുള്ള പടക്കങ്ങൾ,മാലപ്പടക്കങ്ങൾ,ഏറുപടക്കങ്ങൾ എന്നിവയുടെ വിൽപ്പനയും ഉപയോഗവും നിരോധിച്ചു.രാത്രി പത്തുമണി മുതൽ രാവിലെ ആറുമണി വരെ ശബ്ദമുണ്ടാക്കുന്ന പടക്കങ്ങൾ ഉപയോഗിക്കരുത്.ആശുപത്രികൾ,കോടതികൾ,വിദ്യാഭ്യാസ സ്ഥാപനങ്ങൾ തുടങ്ങിയവയുടെ 100 മീറ്റർ പരിസരത്ത് പടക്കങ്ങൾ പൊട്ടിക്കാൻ പാടില്ലെന്നും മലിനീകരണ നിയന്ത്രണ ബോർഡ് അറിയിച്ചു.