കോഴിക്കോട്:വയനാട് ചുരത്തിൽ വാഹനങ്ങൾ നിർത്തുന്നത് നിരോധിച്ചു.നവംബർ ഒന്ന് മുതൽ നിരോധനം നിലവിൽ വരും.കോഴിക്കോട്-വയനാട് ജില്ലാ കളക്ടർമാരും ജനപ്രതിനിധികളും ചേർന്നാണ് തീരുമാനമെടുത്തത്.ചുരത്തിൽ വാഹനങ്ങൾ നിർത്തിയിട്ട് മാലിന്യങ്ങൾ നിക്ഷേപിക്കുന്നതടക്കം പതിവായതോടെയാണ് വാഹനങ്ങൾ നിർത്തിയിടുന്നത് നിരോധിക്കാൻ തീരുമാനിച്ചത്.ചുരം റോഡ് വീതികൂട്ടാനും സിസിടിവി സ്ഥാപിക്കാനും റോഡ് വൈദ്യുതീകരിക്കാനും ചുരത്തിലെ പരസ്യബോർഡുകൾ നീക്കം ചെയ്യാനും തീരുമാനമെടുത്തിട്ടുണ്ട്.