മുംബൈ:എസ് ബി ഐ യിൽ ലയിച്ച അസ്സോസിയേറ്റ് ബാങ്കുകളുടെ ചെക്ക് ബുക്കുകളുടെ കാലാവധി നീട്ടി.ഡിസംബർ 31 വരെയാണ് കാലാവധി നീട്ടിയിരിക്കുന്നത്.നേരത്തെ സെപ്റ്റംബർ 30 വരെ ആയിരുന്നു അസ്സോസിയേറ്റ് ബാങ്കുകളുടെ ചെക്ക് ബുക്കുകളുടെ കാലാവധി.പുതിയ ചെക്ക് ബുക്കുകൾക്ക് എത്രയും വേഗം അപേക്ഷിക്കണമെന്നു എസ് ബി ഐ ഉപഭോക്താക്കളോട് ആവശ്യപ്പെട്ടിരുന്നു.എന്നാൽ പലർക്കും പുതിയ ചെക്ക് ബുക്കുകൾ ലഭിച്ചിരുന്നില്ല.ഇതേ തുടർന്നാണ് എസ്ബിഐ കാലാവധി നീട്ടിയത്.ഓൺലൈൻ,മൊബൈൽ ബാങ്കിങ്,എടിഎം എന്നിവ വഴി ചെക്ക് ബുക്കുകൾക്ക് അപേക്ഷിക്കാം.