തിരുവനന്തപുരം:ഇടതു സർക്കാരിന്റെ സ്വപ്ന പദ്ധതിയായ കേരളാ ബാങ്ക് അടുത്ത വർഷം ചിങ്ങം ഒന്നിന് നിലവിൽ വരും.മുഖ്യമന്ത്രിയുടെ ഭരണ അവലോകന യോഗത്തിലാണ് ഈ സുപ്രധാന തീരുമാനം അറിയിച്ചത്.ബാങ്ക് തുടങ്ങുന്നതിന് ആർ ബി ഐക്ക് അപേക്ഷ നൽകിയിട്ടുണ്ട്.ജില്ലാ സഹകരണ ബാങ്കും സംസ്ഥാന സഹകരണ ബാങ്കും ചേർന്നാണ് കേരളാ ബാങ്ക് രൂപീകരിക്കുക.ജീവനക്കാരുടെ പുനർവിന്ന്യാസം,നിക്ഷേപ-വായ്‌പ്പാ പദ്ധതികളുടെ ഏകോപനം തുടങ്ങിയ ബാങ്കിന്റെ അടുത്ത അഞ്ചു വർഷത്തേക്കുള്ള ബിസിനസ് പോളിസി ആർ ബി ഐക്ക് നൽകിയതായും മുഖ്യമന്ത്രിയുടെ ഓഫീസ് വിശദീകരിച്ചു.