കണ്ണൂർ:ഡി.എസ്.സി സെന്ററിലെ കാന്റീനിലേക്ക് വരുന്ന വിമുക്ത ഭടന്മാർക്കും കുടുംബത്തിനും ഇനി മുതൽ ഇ റിക്ഷയുടെ സേവനവും ലഭ്യമാകും.ഇവർക്കായി ബാറ്ററിയിൽ ഓടുന്ന രണ്ട് ഇ റിക്ഷകൾ നിരത്തിലിറക്കി.കാന്റീൻ പ്രവർത്തിക്കുന്ന ദിവസം ഇവിടെയെത്തുന്നവർക്ക് ഈ സേവനം ഉപയോഗപ്പെടുത്താം.ബസ് സ്റ്റാൻഡിലും റെയിൽവേ സ്റ്റേഷനിലും പോകുന്നവർക്കും അവിടെ നിന്നും കാന്റീനിലേക്ക് വരുന്നവർക്കും ഇ റിക്ഷയുടെ സേവനം സൗജന്യമായിരിക്കും.ഡി എസ് സി കാന്റീൻ പരിസരത്ത് ഓട്ടോ സൗകര്യം ലഭ്യമല്ലാത്തതിനാൽ ഈ റിക്ഷകൾ ഇതിനൊരു പരിഹാരമാണ്.കേരളത്തിൽ വളരെ അപൂർവമാണ് ഇത്തരത്തിൽ ബാറ്ററിയിൽ ഓടുന്ന റിക്ഷകൾ.മാത്രമല്ല മറ്റു വാഹനങ്ങൾ ഉണ്ടാക്കുന്നതുപോലെ അന്തരീക്ഷ മലിനീകരണം ഉണ്ടാക്കില്ല എന്നതും ഇവയുടെ പ്രത്യേകതയാണ്.