തലശ്ശേരി:തലശ്ശേരി റെയിൽവേ സ്റ്റേഷന്റെ സമീപത്തു നിന്നും 61 കിലോ പുകയില ഉൽപ്പന്നങ്ങൾ പിടികൂടി.സംഭവത്തിൽ തലശ്ശേരി നാരങ്ങാപ്പുറത്ത് താഴെ കൊല്ലത്ത് ഹൗസിൽ വി.സി ഷുക്കൂറിനെ എക്‌സൈസ് സംഘം കസ്റ്റഡിയിലെടുത്തു.എക്‌സൈസ് ഇൻസ്പെക്റ്റർ മനോഹരന് ലഭിച്ച രഹസ്യ വിവരത്തിന്റെ അടിസ്ഥാനത്തിൽ നടത്തിയ പരിശോധനയിൽ റെയിൽവേ സ്റ്റേഷന് സമീപത്തെ ഗോഡൗണിന് അരികെ നിന്നുമാണ് ഇവ കണ്ടെടുത്തത്.തലശ്ശേരിയിലും പരിസര പ്രദേശങ്ങളിലും ഉള്ള ചെറുകിട കച്ചവടക്കാർക്ക് പുകയില ഉൽപ്പന്നങ്ങൾ വിതരണം ചെയ്യുന്നത് ഷുക്കൂറാണെന്നു എക്‌സൈസ് സംഘം പറഞ്ഞു.മംഗലാപുരത്തു നിന്നും തീവണ്ടിയിലാണ് ഇവ തലശ്ശേരിയിലെത്തിക്കുന്നത് .ഹാൻസ്,കൂൾ ലിപ് തുടങ്ങിയ പുകയില ഉൽപ്പന്നങ്ങളാണ് പിടികൂടിയത്.