കൊട്ടിയൂർ:കൊട്ടിയൂരിൽ കഞ്ചാവുമായി യുവാവ് അറസ്റ്റിൽ.അമ്പായത്തോട് സ്വദേശി ബിബിൻ ജോർജ്(25) ആണ് അറസ്റ്റിലായത്.കൊട്ടിയൂരിൽ വ്യാപകമായി കഞ്ചാവ് ഉപയോഗം നടക്കുന്നുണ്ടെന്ന സൂചന ലഭിച്ചതിന്റെ അടിസ്ഥാനത്തിൽ പേരാവൂർ എക്സൈസ് സംഘം നടത്തിയ അന്വേഷണത്തിലാണ് ബൈക്കിൽ നിന്നും 20 ഗ്രാം കഞ്ചാവ് പിടികൂടിയത്.ചോദ്യം ചെയ്യലിൽ വീരാജ്പേട്ടയിൽ നിന്നാണ് കഞ്ചാവ് വാങ്ങിയതെന്നാണ് ബിബിൻ പറഞ്ഞത്. സംഭവത്തിൽ കൂടുതൽ അന്വേഷണം നടത്തുമെന്ന് പ്രിവന്റീവ് ഓഫീസർ പറഞ്ഞു.പ്രതിയെ കൂത്തുപറമ്പ് കോടതി റിമാൻഡ് ചെയ്തു.