കണ്ണൂർ:കണ്ണൂരിനും കോഴിക്കോടിനുമിടയിൽ ഇന്ന് മുതൽ ഒക്ടോബർ 31 വരെ ട്രെയിൻ സർവീസിന് നിയന്ത്രണം ഏർപ്പെടുത്തി.ട്രാക്കിന്റെ നവീകരണ പ്രവർത്തനങ്ങൾ നടക്കുന്നതിനാലാണിത്.എന്നാൽ 16,23,30 എന്നീ തീയതികളിൽ നിയന്ത്രണം ഉണ്ടാവില്ലെന്ന് റെയിൽവേ അധികൃതർ അറിയിച്ചു.കോഴിക്കോട്-കണ്ണൂർ പാസഞ്ചർ പൂർണ്ണമായും സർവീസ് നിർത്തിവെക്കും.മംഗളൂരു-കോഴിക്കോട് പാസഞ്ചർ കണ്ണൂരിൽ സർവീസ് അവസാനിപ്പിക്കും.മംഗളൂരു-കോയമ്പത്തൂർ പാസഞ്ചർ കണ്ണൂരിലും കോയമ്പത്തൂർ-മംഗളൂരു പാസഞ്ചർ ഷൊർണൂരിലും സർവീസ് അവസാനിപ്പിക്കും.നാഗർകോവിലിൽ നിന്നും മംഗളൂരുവിലേക്കുള്ള ഏറനാട് എക്സ്പ്രസ് രണ്ടുമണിക്കൂർ വൈകിയോടും.