പിണറായി:തെരുവുനായ കുറുകെ ചാടിയതിനെത്തുടർന്നു ബൈക്ക് മറിഞ്ഞു ഗുരുതരമായി പരുക്കേറ്റു ചികിത്സയിലായിരുന്ന പൊലീസ് ഉദ്യോഗസ്ഥൻ മരിച്ചു. കാഞ്ഞങ്ങാട് കൺട്രോൾ റൂമിലെ സീനിയർ സിവിൽ പൊലീസ് ഓഫിസർ വെണ്ടുട്ടായി മാണിക്കോത്തുവീട്ടിൽ എം.സുനിൽകുമാർ (48) ആണ് മരിച്ചത്.27നു രാവിലെ ഡ്യൂട്ടിക്ക് പോകാനായി ട്രെയിൻ കയറുന്നതിനു തലശ്ശേരി റെയിൽവേ സ്റ്റേഷനിലേക്കു ബൈക്കിൽ പോകവേ കായ്യത്ത് റോഡിൽ വെച്ചാണ് അപകടം സംഭവിച്ചത്.നായയുടെ ദേഹത്തു തട്ടി ബൈക്കിൽ നിന്നുംതെറിച്ചു വീണു സുനിൽകുമാറിന് തലയ്ക്കു ഗുരുതരമായി പരുക്കേൽക്കുകയായിരുന്നു.കോഴിക്കോട്ടെ സ്വകാര്യ ആശുപത്രിയിൽ ചികിത്സയിൽ കഴിയവേ വെള്ളിയാഴ്ച ഉച്ചയോടെ മരണം സംഭവിക്കുകയായിരുന്നു.ഭാര്യ: വിജിന. മക്കൾ: ഹൃദ്യ, ഹരിനന്ദ്.