ചൊക്ലി: ഒളവിലം തൃക്കണ്ണാപുരത്ത് സിപിഎം പ്രകടനത്തിനു നേരെ നടന്ന ബോംബേറിൽ മൂന്നു സിപിഎം പ്രവർത്തകർക്കു പരുക്കേറ്റു. ഇന്നലെ രാത്രി ഒൻപതരയോടെയാണു സംഭവം. സിപിഎം പ്രവർത്തകരായ അമ്പാടിയിൽ രചസ് രാജ് (22),നെല്ലിയാട്ട് താഴെ കുനിയിൽ ആകാശ് (22) എന്നിവരെ സാരമായ പരുക്കുകളോടെ ചൊക്ലി മെഡിക്കൽ സെന്ററിൽ പ്രവേശിപ്പിച്ചു.നേരത്തെ സിപിഎം ചൊക്ലി സൗത്ത് ലോക്കലിൽ ഞായറാഴ്ച നടക്കാനിരിക്കുന്ന തൃക്കണ്ണാപുരം ബ്രാഞ്ച് സമ്മേളനത്തിന്റെ ഭാഗമായി സ്ഥാപിച്ച കൊടിമരം പിഴുതെറിയുകയും പ്രചരണ ബോർഡുകൾ നശിപ്പിക്കുകയും ചെയ്തിരുന്നു. ഇതിൽ പ്രതിഷേധിച്ചാണ് സിപിഎം പ്രകടനം നടത്തിയത്. പ്രദേശത്തെ ചില ആർഎസ്എസ് പ്രവർത്തകർക്കെതിരെ ചൊക്ലി പോലീസിൽ പരാതി നൽകി.