മുംബൈ:മുംബൈയിലെ ബുച്ചർ ഐലന്റിലുള്ള എണ്ണ ടാങ്കറുകളിൽ വൻ തീപിടുത്തം.ഇന്നലെ രാത്രിയോടെയാണ് ഭാരത് പെട്രോളിയം കോപ്പറേഷന്റെ എണ്ണ ടാങ്കറുകളിൽ തീപിടുത്തമുണ്ടായത്.അപകടത്തിൽ ആളപായമുണ്ടായിട്ടില്ല.അഗ്നിശമന സേന ഉടൻ തന്നെ സംഭവസ്ഥലത്തെത്തി.തീ ഇപ്പോൾ നിയന്ത്രണ വിധേയമാണെന്നു അധികൃതർ വ്യക്തമാക്കി.മിന്നലാണ് തീപിടുത്തത്തിന് കാരണമായതെന്നാണ് പ്രാഥമിക വിവരം.