കോട്ടയം:മദ്യപിച്ച എഎസ്ഐ ഓടിച്ച കാർ സ്കൂൾ കുട്ടികൾ സഞ്ചരിച്ച ഓട്ടോയിലിടിച്ചു. ചങ്ങനാശ്ശേരി ട്രാഫിക് പോലീസ് യൂണിറ്റിലെ എഎസ്ഐ വി.സുരേഷ് ഓടിച്ച കാറാണ് അപകടമുണ്ടാക്കിയത്.അപകടത്തിൽ വിദ്യാർഥികൾ പരിക്കേൽക്കാതെ രക്ഷപ്പെട്ടു.എഎസ്ഐ മദ്യലഹരിയിലായിരുന്നു എന്ന് നാട്ടുകാർ ആരോപിച്ചതിനെ തുടർന്ന് പട്രോളിംഗിലുണ്ടായിരുന്ന പോലീസ് സ്ഥലത്തെത്തി ഇദ്ദേഹത്തെ വൈദ്യപരിശോധനയ്ക്ക് വിധായനാക്കി.ഇതിൽ ഇയാൾ മദ്യപിച്ചിരുന്നതായി തെളിഞ്ഞു.ഇതേ തുടർന്ന് ഇയാളെ സസ്‌പെൻഡ് ചെയ്തതായി ജില്ലാ പോലീസ് മേധാവി അറിയിച്ചു.ഇയാൾക്കെതിരെ മദ്യപിച്ച് വാഹനമോടിച്ചതിന് കേസെടുത്തു.