പഴയങ്ങാടി: മാടായി ആർട്സ് ആൻഡ് സയൻസ് കോളേജിൽ കഴിഞ്ഞ ദിവസം നടന്ന സംഘർഷവുമായി ബന്ധപ്പെട്ട് 12 പേർക്കെതിരേ കേസെടുത്തു.ആറ് കെഎസ്‌യു പ്രവർത്തകർക്കും ആറ് എസ്എഫ്ഐ പ്രവർത്തകർക്കുമെതിരേയാണ് പഴയങ്ങാടി പോലീസ് കേസെടുത്തിരിക്കുന്നത്.സംഘർഷത്തെ തുടർന്ന് അനിശ്ചിതകാലത്തേക്ക് കോളജ് അടച്ചിട്ടിരിക്കുകയാണ്. കോളജ് തുറന്നു പ്രവർത്തിപ്പിക്കുന്നതുമായിബന്ധപ്പെട്ടും അക്രമങ്ങൾ ആവർത്തിക്കാതിരിക്കാനുമായി പോലീസിന്‍റെ ആഭിമുഖ്യത്തിൽ അടുത്ത ദിവസം സർവകക്ഷിയോഗം വിളിച്ചു ചേർക്കുമെന്ന് എസ്ഐ പി.ബി.സജീവ് അറിയിച്ചു.