കൊച്ചി:നടി ആക്രമിക്കപ്പെട്ട കേസുമായി ബന്ധപ്പെട്ട് നടനും സംവിധായകനുമായ നാദിർഷ സമർപ്പിച്ച മുൻ‌കൂർ ജാമ്യാപേക്ഷ ഹൈക്കോടതി തീർപ്പാക്കി.നിലവിൽ കേസിൽ നാദിര്ഷയെ പ്രതിചേർക്കാനുള്ള സാഹചര്യം ഇല്ലെന്നു പ്രോസിക്യൂഷൻ അറിയിച്ചതിനെ തുടർന്നാണ് ജാമ്യ ഹർജി തീർപ്പാക്കിയത്.ആവശ്യമെങ്കിൽ മുൻ‌കൂർ നോട്ടീസ് നൽകി പൊലീസിന് നാദിർഷയെ ചോദ്യം ചെയ്യാൻ വിളിപ്പിക്കാമെന്നും കോടതി വ്യക്തമാക്കി.വഴിയേപോകുന്നവരെയെല്ലാം പ്രതിയാക്കരുതെന്നും സാക്ഷികളെ സാക്ഷിയായി തന്നെ നിലനിർത്തണമെന്നും കോടതി പോലീസിനെ വിമർശിച്ചു.