കണ്ണൂർ:സംസ്ഥാന ഉത്തരമേഖലാ സ്കൂൾ ഗെയിംസ് കണ്ണൂരിൽ തുടങ്ങി.ഏഴുജില്ലകളിലെ കായികതാരങ്ങളാണ് മത്സരത്തിൽ പങ്കെടുക്കുന്നത്.മേള കണ്ണൂർ ജവഹർ സ്റ്റേഡിയത്തിൽ പി.കെ ശ്രീമതി എം.പി ഉൽഘാടനം ചെയ്തു.സ്പോർട്സ് ആൻഡ് ഫിസിക്കൽ എഡ്യൂക്കേഷൻ ജോയിന്റ് ഡയറക്റ്റർ ഡോ.ചാക്കോ ജോസഫ് അധ്യക്ഷത വഹിച്ചു.ഏഴു വേദികളിലായാണ് മത്സരം നടക്കുന്നത്.വിവിധ വിഭാഗങ്ങളിലായി 26 ഇനങ്ങളിലെ മത്സരങ്ങൾ ഇന്നലെ നടന്നു.മേളയിൽ ഒന്നും രണ്ടും മൂന്നും സ്ഥാനം നേടുന്നവർക്ക് സംസ്ഥാന സ്കൂൾ ഗെയിംസിൽ മത്സരിക്കാനാകും.