ശ്രീകണ്ഠപുരം:ചെമ്പന്തൊട്ടിയിൽ കഞ്ചാവുമായി ഒഡിഷ സ്വദേശി അറസ്റ്റിൽ.ഒഡിഷ സ്വദേശി സന്തോഷ് ദോറയെയാണ് അരക്കിലോ കഞ്ചാവുമായി ശ്രീകണ്ഠപുരം എക്‌സൈസ് ഇൻസ്പെക്റ്റർ പി.പി ജനാർദ്ദനനും സംഘവും അറസ്റ്റ് ചെയ്തത്.ആവശ്യക്കാരാണെന്ന വ്യാജേന എക്‌സൈസ് സംഘം ഇയാളെ സമീപിക്കുകയായിരുന്നു.ചെങ്കൽ മേഖലയിൽ ജോലി ചെയ്തു വരികയാണ് ഇയാൾ.ഇയാൾക്ക് കഞ്ചാവ് എത്തിച്ചു കൊടുക്കുന്നവരെയും ഇയാൾ ഇത് വിതരണം ചെയ്തിട്ടുള്ളവരെയും കുറിച്ച് അന്വേഷിച്ചു വരികയാണെന്ന് അധികൃതർ പറഞ്ഞു.