കണ്ണൂർ:ചൊവ്വ,ബുധൻ ദിവസങ്ങളിൽ റേഷൻ കടകൾ അടച്ചിട്ട് റേഷൻ വ്യാപാരികൾ പണിമുടക്കും.വേതന പാക്കേജ് ഉടൻ നടപ്പിലാക്കണമെന്നും റേഷൻ വിതരണത്തിലെ അഴിമതി അവസാനിപ്പിക്കാൻ റേഷൻ കടകളിൽ ഇ-പോസ് യന്ത്രം സ്ഥാപിച്ച് കംപ്യുട്ടർവൽക്കരണം നടപ്പിലാക്കണമെന്നും ആവശ്യപ്പെട്ടാണ് സമരം.ഓൾ കേരള റീറ്റെയ്ൽ റേഷൻ ഡീലേഴ്‌സ് അസോസിയേഷൻ,ഓൾ ഇന്ത്യ റേഷൻ ഡീലേഴ്‌സ് അസോസിയേഷൻ എന്നീ സംഘടനകളാണ് സമരത്തിന് ആഹ്വാനം നൽകിയിരിക്കുന്നത്.മുഖ്യമന്ത്രി വേതന പാക്കേജ് അംഗീകരിച്ചു എങ്കിലും ഭക്ഷ്യവകുപ്പ് നടപ്പിലാക്കാത്തതിൽ പ്രതിഷേധിച്ചാണ് സമരം.