കണ്ണൂർ:ദേശീയ സന്നദ്ധ രക്തദാന ദിനത്തിന്റെ സംസ്ഥാനതല ഉൽഘാടനം കണ്ണൂരിൽ കെ.കെ ശൈലജ നിർവഹിച്ചു.കണ്ണൂരിൽ രക്തദാനം നടത്തിയ ജില്ലാ പോലീസ് സേനയെയും സന്നദ്ധപ്രവർത്തകരെയും മന്ത്രി അഭിനന്ദിച്ചു.പ്രഥമ ശുശ്രൂഷകൾ നൽകുന്നതിനുള്ള പരിശീലനം സ്കൂൾ തലങ്ങളിൽ കുട്ടികൾക്ക് നൽകണമെന്നും മന്ത്രി പറഞ്ഞു.ജില്ലാ പഞ്ചായത്ത് കാര്യാലയത്തിന് മുൻപിൽ സജ്ജമാക്കിയ സഞ്ചരിക്കുന്ന രക്തബാങ്കിൽ പോലീസ് ഉദ്യോഗസ്ഥർ,വിദ്യാർഥികൾ,സന്നദ്ധപ്രവർത്തകർ,തുടങ്ങി നിരവധിപേർ രക്തം ദാനം ചെയ്തു.2016-17 വർഷത്തിൽ ഏറ്റവും കൂടുതൽ സന്നദ്ധ രക്തദാന ക്യാമ്പുകൾ സംഘടിപ്പിച്ച പെരിന്തൽമണ്ണ ഗവ.ആശുപത്രി,തിരുവനന്തപുരം ജനറൽ ആശുപത്രി,പാലക്കാട് ജില്ലാ ആശുപത്രി,കോട്ടയം മെഡിക്കൽ കോളേജ് ആശുപത്രി എന്നിവിടങ്ങളിലെ രക്തബാങ്കുകൾക്ക് കേരള സംസ്ഥാന എയ്ഡ്സ് നിയന്ത്രണ സൊസൈറ്റിയുടെ ഉപഹാരം മന്ത്രി വിതരണം ചെയ്തു.